نسيت أكتب اسمي
تأليف محمد عنيبسي حسين
نسيت أكتب اسمـــي في دفتر الزوار
ومشيت وانا ناســــي إني من الزوار
شفت ناس كتير ماعرفتهم من الزوار
وناس قليلة عرفتها كــانت من الزوار
حبيت أكتب اسمي في دفتر الــــزوار
طابور الغربـــه فاتني بقيت محتــــار
ياربي أنا غريب الدار ولا أنــا م الدار
ولا أنا ناسي إني في داري والــدوار
ودفتري اللي ينكتب فيه زيارة الزوار
أولادي حواليا يضايفوا بحبهم زوار
بصيت في عيون الناس بقيت محتار
هما دول زوارالمحبه والا ناس أشرار
هوا أنا باحلــم وحلمي إني جوا الدار
والا أنا واهم إني في بيتي جوا الدار
والموجودين زوار والآ هما أهل الدار
عقلي اتوقف م الفكرولاتضارب الأفكار
شفت إبني بيضرب أخـــوه وجوا الدار
ضاعت الهيبة مني وبقـــيت حبيس الدار
دمعي نزل علي خــــدي سيل كما الأنهار
والعــــقل ضاع مني وتهت وتاهت الأفكار
قلت أشوف دفتري يمكن أفوق من الدوار
واعيد حساباتي لإني تعبت م المشـــــوار
الطريق طويل مابين مجلسي وباب الدار
نفسي أعرف أنا في غابة والا جوا الـدار
لما أتــــوه في بيتي وأشوفني جوا النار
ولادي مقسومين معايا وضدي وأنا محتار
لماتهت واحترت واحتار قلبي جوا الــدار
لما أكون الأب وولادي في
ناروجوا الدار
أنسي أنا مين وافتكر إني مـن الــــزوار
ومش هنسي إني صاحب الدار والدوار
تأليف محمد عنيبسي حسين
ليست هناك تعليقات:
إرسال تعليق