سامحيني يامه
تأليف ,,, محمد عنيبسي حسين
إلي كل إبن في الحياة نسي في
خضم الحياة أن يتحدث مع أمه سواء أكان قريبا منها أو بعيد عنها ,,أكتب قصيدتي
أهديها إلي أمي الروحيه أعطاها الله الصحة والعافية وأكرمنا بدعائها ,ورحم الله أمواتناوأمهاتنا ورحم الله أمي وأبي رحمة واسعة من رحمة الله ,,آمين
سامحيني يامه
تأليف ,,, محمد عنيبسي حسين
سامحيني يامه نسيت اكلمك
خضم الحياة نســيتني اكلمك
غلطة وسامحيـــني من قلبك
لجل الله يراضـــيني بدعوتك
داالجنه يامــــه تحت اقدامك
وكلنـا يامـا فـــي الله اولادك
مفيش حد بعيــــد كلنا ولادك
غريب وقريب جمعتينا بكلامك
حببتينا في اخواتنا وهما بناتك
وحشوني انهم بعيد عن اعتابك
ايمان ومرفت في حب الله بناتك
اخواتي بعيد عني نتمني رضاك
الفرقة وحشه ياما لكــن حنانك
بيجمعنا في الله علي اعتـــابك
إوعي تغضبي مني ومن ولادك
الحياه صعبة يامه نتمني رضاك
دعوتك يامه لينا احنا احبابــــك
دعاكي ننول الجنه تحت اقدامك
وأنا أعاتب نفسي علي نسيانك
إن فاتني في يوم أسمع كلامك
أعذريني يامه وفيديني بدعاك
ياأمي زينب إنتي ليا بدعاكي
باكسب حياتي ودنيتي بدعاك
إنتي عوض عن أمي بحنانك
لقيت فيكي نسمتهــــــا بحنانك
ربنا يسعدك ويســـــعد أولادك
يجعلك لينا جنة الدنيــــا بدعاك
ولادي يبوسوا إيديكي يدعولك
ربي يخليكي لينا نمشي بحنانك
ولا يحرمنا أبدا من دعــــواتك
زادت همومي محتــــاج دعاك
اكون قوي في الدنيـــــا بدعاك
وسامحيني يامه من قلبـــــــك
ربنا يخليكي لينا ونتكرم بدعاك
تأليف
محمد عنيبسي حسين
ليست هناك تعليقات:
إرسال تعليق