قلم رصاص وقلم جاف
تأليف
محمد عنيبسي حسينشدتني وأنا أتصفح الفيس بوك قصه الشاب الذي يبيع القلم الرصاص والجاف بالمتروونهره أحد الرجال وعجبتني القصه قصه هذا الشاب الذي يحمل شهاده جامعيه ويعمل لعدم وجود وظائف أيضا ليصرف علي أخته بالجامعه ورد فعل الحاضرين إعجابا به دون الرجل المستاء من هذا الشاب ,,
ياليت شبابنا يهتم بالدراسه ويسعي للقمة العيش بدلا ممن نراهم وللأسف في تفاهات العصر يسبحون , ولمعاني القيم والأصالة لا ينتمون , بل ينتمون إلي بلاهة المفاهيم العوجاء الخرساء البلهاء ,
والله هو الهادي ,, لأنك لا تهدي من أحببت ولكن الله يهدي من يشاء,,
تأليف
محمد عنيبسي حسين
إحلم لبكره ولبكره تحلم
إنك تكون بحاله أحسن
توفي دين أبوك وأمك
إنك في الدنيا بقيت بحاله
وحاله نادره إنك تلف بقلم كتابه
وانت حامل أكبر شهاده
قلم رصاص ولا كوبيا والا جاف
إسمه قلم له كيانه وله معاني
إن أول ماخط بيه كان نبي
سيدنا إدريس النبي كان له كتابه
وأول من خط بالقلم الكتابه
مش عيب ياإبني إنك تلف بقلم
رصاص ولا جاف ولا كوبيا
تعلم الناس الكتابه
تذكرهم بنبي أول من خط بالقلم
وكان له كتابه
مش عيب ياإبني وانت حامل شهاده
أكبر شهاده بالإقتصاد والسياسه
أصل الواسطه تنفع
للي مامعاهوش شهاده
وإنت ياابني معاك أكبر شهاده
واسطتك ربك وإيمانك
ويوم ماتولدت أمك دعيتلك
إنك تكون معاك أكبرشهاده
لكن ياإبني مجتمعنا له وساطه
مش بالشهاده
لكن بالعياقه والفهلوا تكون زياده
وعليها طابع وساطه
ولاكوسه مغموسه بدجاجه
والهديه ملفوفه بسيلوفان سيجاره
لولاد البغاشا تلاقي مليون وظيفه
وبابي ومامي أصلهم من مصرالجديده
أبقي من ولاد البطه بيضه
لكن ياإبني إنت أصلك قدمت
أصلك من مصر القديمه
تبقي يابني إبن بطه إف سوده
ياألف حوسه ومليون دي حوسه
مش أصلهم كلهم من بلادي الحبيبه
لأ لأ لأ ,,إنت يابني لازم تتعلم
إنك تعيش جوا كوسه
لجل تبقي في الدنيادي أكبرها كوسه
لكن والدك وأمك علموك العفاف
والقيم
وعليهم شوية أصاله
علموك إزاي تكافح في الحياه
لجل لقمه بحلال لقمه هنيه
وتصلي لربك تحمده تشكره علي نعمته
كنا يابني زمان نذاكر علي لمبه
ونبوس أيادي الكبار والمعلم
للمعلم نقف بإحترام
دلوقتي مالهوشي لازمه المعلم يكون
في الدنيا حاجه
وزياده كمان نديله البلاهه
والطناشه أصله دقه قديمه
والنت أصبح مليون علامه
نحتاجه ليه هاالمعلم بنطلونه حتة
قماشه
وانا مامي جابتلي أحدث سياره
وباشرب أحلي سيجاره
والبت مزه قاعده جنبي واخدا كل
حاجه
مبسوط ياسيدي في دنيا العفانه
قصدي دنيا الحلاوه
لكن ياإبني تلف في شوارع
وتشقي لجل تعطي الفلوس
للبنيه تدرس في جامعه
تبقي من بيئة زباله
ليه تدخل إنت والا أختك أيتها
جامعه
إنت فاكر نفسك إبن السياده
أوعي تزعل ياإبني من كلامي
لإني مطحون عشانك وقلبي اتوجع
لما لقيت الكبار بيرموك بالزباله
وشهادتك ياعيني جوا جيبك
بتلف بيها وتحترم نفسك بقلم كتابه
ماحدش فاهم معني القلم وأصل
الكتابه
الكلمه لما يكتبها القلم عالورق
توصل إما ورده أو رصاصه
واللي قالك روح إشتغل أيتها حاجه
هو أصلا مافاهم في القراءه
يمكن أبوه خدام راجل أصله باشا
جابله واسطه لجل يبقي حاجه
نسي أصله إنه كان بيرعي في الزباله
إنت ياابني اتربيت عالنضافه
وشرف إنك تبيع القلم رصاص ولا
كوبيا
أو قلم جاف ماهو أصله قلم للكتابه
إنت من بيت أصل تبيع القلم بالكرامه
وغيرك بيسكر جوا خمارة قذاره
إنت بتصلي وتحمد ربك وتكتب بالقلم
أحلي آيه من قرآن وسوره
يابني أنا كبرت ولما قريت في النت
الكتابه
قلت هوا دا إبن مصر الكرامه
بدل مايمد إيده للناس كان عنده
كرامه
واشتغل يبيع قلم من أصل الكتابه
رجليك بتتعب تروح تداويهم بميه
سخنه
وتصلي شكرا لربك وتنام في نعمه
إنت يابني إبن أصل وكرامه
لازم تكافح لاجل أختك بالكرامه
لاجل لقمه عيش بالحلال مش بالسفاله
باقف يابني ليك إحترام رجوله
وشهامه
وياريت تقرا كلامي تكون رجوله
متسمعشي لواحد ماعندوش أساسا كرامه
ولا يعرف معاني الكرامه
وأنا يابني باحي والدك وأمك
علموك معاني الرجوله وصلة الرحم
بكره أختك تدعيلك
وفي الكعبه ربنا هايناديك
لإنك ياإبني بار بأمك وبوك
وزدت الكرامه بتعليم أختك
معني الأخوه بالمحبه والكرامه
بيع ياإبني القلم واكتب كمان بالقلم
أنا مصري أصيل بالقلم ومعني
الكتابه
واحلم معانا هنكون بمصرنا أحلي
حاجه
قلم جاف ,, قلم كوبيا ورصاص
إن اتمحت منه الكتابة,, عمرمعناها مايتمحي
لإن القلم من صنع ربي
واللي خط بيه أصله نبي
والكتابه من سنين معناها مايتمحي
والقلم والكتابه من سنين وهاتفضل للأبد
ماهي الكتابه والقلم من تاريخ النبي
والكتابه من سنين معناها مايتمحي
والقلم والكتابه من سنين وهاتفضل للأبد
ماهي الكتابه والقلم من تاريخ النبي
وكل واحد ليه نبي يصلي عليه
إحلم لبكره
تأليف
محمد عنيبسي حسين
ليست هناك تعليقات:
إرسال تعليق