حدوته من بيت مصري الجحود تأليف محمد عنيبسي حسين

حدوته من بيت مصري 

الجحود

تأليف محمد عنيبسي حسين

كان من زمان حدوته زي الحواديت بنبتدي بأولها بالصلاة علي النبي الزين ألف صلا وسلام ومحبه علي رسول الله

كان يماكان كان فيه راجل صياد غلبان من عيله وعيله كبيره ناس أشراف بس الأيام بعدته عن عيلته لاجل لقمة العيش  بس بياكل اللقمه بعرق جبينه يروح يصطاد ويرجع يجيب اللقمة بالحلال لبيته وأولاده وميرضاش ياكل لقمه إلا مع أولاده وفي يوم ركب مركب وكان بياخد إبنه الصغير معاه ويفرح لإنه معاه إبنه بيعلمه أمور الحياه وكانت بنته شاطره وذكيه كان دايما بيحبها وبيقولها إنت حبيبة قلبي ودايما أندهلك بأم أبيها وكبروا الأولاد علي محبة ورعاية أمهم وأبوهم وربنا رزق الصياد أبوهم بالسفر بره يشتغل صياد سافر وكل سنه يرجع يجيب خير ربنا معاه لأولاده والأهل والجيران وعلم أولاده علي حب الناس والجيران والخير وهو بره في سنة من السنوات قالولوا بنتك جالها عريس مين ياأم العيال قالتله فلان قالها أنا عارفه خنزير جربان عامل فتوه وهو من جوه خربان ماسمعوش كلامه قال إيه البنت بتحبه رضي الصياد بقضاء الله بس من جواه ماكانشي يعشم أن بنته حبيبة قلبه يكون نصيبها إنسان من بيئه واطيه وكل الناس قالوا عليه دا مش انسان سمع من القرايب ومن بنته بيضربها ويهينها ويزود الأسي يذلها ماهو خسيس

وجبان وفي يوم أبوها شافها وشها مجلوط من إيه ياأم أبيها عرف من سكوتها إنه ضاربها شوه وشها بالقلم علي خدها زعل يابنتي اوديه المحاكم واصرف عمري عليكي لاجل تبقي عايشه كويسه ,قالت يابا ماعلمتناش كدا قالها يبقي يابنتي متشتكيش لإن قلبي بيوجعني عليكي وعلي أخوكي التاني صدمان خيبان عدمان وحاله مايل لكن نقول الحمد لله كل واحد بياخد نصيبة , مرت الأيام عرف إنها مش عايشه في راحه بقي يزورها في البيت يلاقي عشه خربانه مليانه فيران حتي ريحة الفرشه نفسها

ريحة فيران من كترهم بالملايين لإنها فوق السطوح عشه بقالها عشرين سنه واكتر بسنتين والا تلاته البنت معاها أربع عيال وساقيها المرار والعذاب لإنه واطي وقذر ومش إنسان لما يضرب بنت الأصول ويسقيها العذاب , فتكم في الكلام أمها ماتت الله يرحمها كانت واقفاله بس الأم ضعيفة هتعمل إيه مع إنسان واطي وضيع كذاب , وفي السنه يطردها م البيت أربع مرات

تروح عند الخاله والخال تقعد عندهم شهر والا اتنين ويرجعوها لإنهم في الأصل غلابه وناس بساط مايحبوش الخراب ولا قد راجل أصله واطي وغير أمين علي بيته وعياله طلع ولاده م المدرسه وشغلهم في أعمال بالليل وطبعا أي ولد مهما كانت تربيته يشتغل بالليل هيتعلم السجاير والموبقات والكذب والرذيله تيجي تكلمه يقولك باعلمهم الرجوله وهي مش رجوله أصله واطي وكداب ومنافق واشتغل مقاول انفار والأنفار هما عياله ياعيني يشتغلوا بالليل ولما يجوا الصغار للبيت خدت كام هات الفلوس وفين الجنيه ده وصرفته ليه وينزل ضرب و شتيمه في العيال لاجل شقاهم وتعبهم لو نقص منه مليم يبقي السما وقعت علي الأرض والبراكين اتفجرت وليله هباب,الواد الكبير اتعلم السجاير والكدب من الخوف خاوفوا من وحش شايفينه ضخم حتي إنهم افتكروا انه إله مايتحرقش بالنار ,يوم اتهم الغلبانه

في شرفها وجرسه وفضيحه وبقيت معيره لكل الناس أربع سنين ذل وإهانه طيب ياعم طلقها لأ علشان العيال ربنا أظهر برائتها من كل الناس إلا هو عايز شيء يذل فيها , أبوها قال انتي راضيه قالت علشان العيال , عيال إيه بعد الذل والإهانه والشرف والفضيله والتوب ان اتوسخ ماينضفشي إلا بالدم يابنتي تعالي ربنا يستر عرضك دا مش إنسان عالحاله دي أربع سنوات قولوا كمان شهرين , وفي مره طردها م البيت بالليل لاجل طرد ابنه لآنه أبنه كدب طيب مانت اللي اجبرته عالكدب من رميته عالباب وفي وسط الليال والأوباش وسهر الليل يعلم القديس الخيانه والكذب وأمور كتيره والنفاق يبقي متلومشي إلا نفسك طرد البنيه بالليالي تروح فين باتت عند جارتها والصباح ابوها تعالي يابنتي راحت لأبوها قالها كفايه مرار وعيشي عيشه مرتاحة البال وارجعي طفله من تاني اضحكي والعبي والعيال

بكره يجولك يعرفوا انك اتظلمتي مع خنزير منافق وكذاب أرعن ومش راجل بيسومك العذاب راجعت عنده أبوها دخلها مستشفي لاجل تتعالج من الأمراض من جراير جوزها وعمايله, البنت ياخساره متعلمه علام عالي يجيبلها م المال ألوفات , وكل شهر ياخدها الجبان المقاول تروح البريد تمضي وهوياخد الفلوس مقاول انفار أبوها قالها يابنتي مستوره خلي فلوسك لحالك وانا ازودك لاجل مرار الأيام خدها لأهلها اللي هما أهل أبوها لقيتهم رجال وعال العال وليهم عزوة وأراضي وأطيان وناس من الأصل ماتعدش لآنهم عربان والأصل واضح وشافت أهلها وحواليها اتلموا ياخدوا بإيديها لاجل يرفعوها إللي يجيبلها أرض واللي يعملها مؤسسه واللي عايز يعليها عالناس كلها ,جوزها جه علشان ياخد الفرخة اللي بتبيضله دهب , علموه الأدب بالأدب وعرف أن ليها ناس هو مش قدهم وعرف أنه زباله وسطهم , وقالوا احنا نرجعهالك بشروط تجيب أهلك وتيجي لاجل يابني بنت الناس مش لعبة ومشي ومنفذش الكلام ورجع تاني

بغتاته علشان ياخدها عرفوا أنه كذاب ومنافق ومش إنسان , ابوها قالوا طلقها تبقي راجل قدام الناس لأنها زي ماقلت وحشه ومش صايناك أثبت لنا انك راجل وتبقي بينا راجل من الأسياد قال ابوها وشرفك مهطلقها دي بتاعتي أنا,, شباب العيله سحبت عليه السلاح قالوا داكبيرنا ازاي تمد ايدك علي دقنه دي فيها الدم انهارعرف أنه غلط وسجد تمثيل أمام الناس , ابوها رجع لشغله قالها يابنتي تعالي معايا انا خايف يجي ياخدك قالتله يعني هاروح فين واهو بيتي وعيالي يعني بعد المرار عايزه ترجعي تاني , قالت قدام الناس والنيه مش صادقه أبويا مايتعوضش والزوج يتعوض والاولاد يتعوضوا الناس قالوا الله يستر أصلك سمعت ياجوزها وانتهي الموال أتاري كان في الكلام تمثيل والحنيه للأولاد واخداها,ولما ابوها راح شغله لاجل أكل عيشه رجع مالقيهاش في البيت اتقهر وخاف تكون تاهت لكن عرف انه جه خدها رجعتله بعد العذاب والمرار ولبست أبوها والعيله طرحه ,, ليه كانت الأمور ماكنتي ترجعي والكل عايزلك الخير بس ترجعي بكرامه وسط الناس ومحدش يقل بأصلك اخترتي طريق الندامه ولما بيسألوها لألأ دا اتغير هو لو كان اتغير مش كان اتغير من عشرين سنه وأكتر والا الثعبان بيغير

جلده إلا لجل يتستر وراه والتعلب بيموت نفسه لاجل يعدي أزمه , بعد ابوكي اللي عمله معاكي لاجل الكرامه والعزة تخذليه. والا اهلك الناس الوحوش تخلي خنزير يكسر نيابهم وانتي تخذليهم وتراضيه,,وتقولي لاجل العيال هما العيال اللي شهدوا عليكي انك مجرمه والا امه تقول عليكي خاينه ومجرمه واللي عايزلك الكرامه والشرف تخذليه..وتلبسيه طرحه وسخه لجل ترجعي للفيران والعشه وسخه لاجل مين لاجل ذل والا انتي ناسيه أه آه نسيت إنك بقيتي ساديه اتعودتي عالمرار والعذاب ,الناس غلابه تقولهم فيه بينه وابويا تار أنا ذنبي إيه ,, تسويف ؟؟!! هوا ابوكي كان في يوم بينه وبينه تار إلا ابوكي كان بيعملك كرامه لجل

تبقي بنت ناس ,بعتي الدهب بالرخيص ورجعتي للعفانه والسباخ , أخوالها وخالتها قالوا لأبوها الغلبان ليه ياأبوها ترجعها وتسيبها تاني دا إنسان خسيس وزباله,مالوهش أمان ولافصل ولا اصل معترف بيه واطي وخسيس , قالهم غصب عني , والله ماكان بيني وبينه تار او أي حاجه إلا عايزه يحترم بنتي بدال البهدله ,دلوقتي بقي فعلا فيه تار إن أبوها يغسل الطرحه بدم الواطي مهما طال الزمن وعمر الأيام ساعتها تبقي ملعونه أبوها دخل السجن وجوزها مات واتيتمت عياله تبقي ايه تبقي ملعونه ملعونه ..لإنها معندهاش كرامة ونصرت خنزير علي أهل اقوة والجدعان,, عقت حنان أبوها وعطف عليتها عليها وجحدت ورجعت للسباخ والخنزير الأجرب تاني لأجل وهم اسمه العيال ,

قولوا ياللي بتقروا الحكايات والقصص تصدقوا إن دي محض الخيال مين يصدق إن دي حقيقة حصلت إلا تاليف كاتب وقاص بيتوهم إن فيه واحده مؤمنه بالله تخالف أبوها لأجل المرار ,وانتوا كمان هتضحكوا إن قصتي محض الخيال  , فيه واحده يتبنيلها قصررائع وعزوة حلوه تروح لعشه فيها الفيران والريحة وسخه لاجل العيال , مش هتصدقوا حكايتي دي محض الخيال والله أنا كمان مش مصدق إن دي خيال مش حقيقة , قصة تنكتب يتاخد عليها مليون نيشان , والصراحه تتقال لو حقيقة البنت دي تاخد مليون نيشان في العقوق وكسر حق الوالدين وباعت النفيس بالرخيص , مش هتصدقوا إن ابوها كل يوم يلعنها في الصباح والمسا كل ما يفتكر ويمس فوق راسه طرحه سوده يشيلها ويدعي عليها بالمرار ولا تكسب يوم تشوفه إلا

بالمرار , وهي ولا هنا إلا عامله مؤلفه وبتسوق الكلام , صدقوني دي قصه م الخيال بتحصل في الأيام المرار , وعايز اعرف منكم دي قصه حلوه والا ملتوته وعجبي خليتكم تكونواوتحسوا  معايا إنها حقيقة مش خيال وهي القصة محض من الخيال , ولو فيه بنات بالشكل ده تبقي ملعونه لعنة الكفار واتلاقي يوم إلا المرار وغضب أبوها ليوم الموقف االعظيم ولا تمشي في جنازته خطوه تلحقها بالنار وهتشوف بكره من ولادها يسوموها سوء المرار تفتكر أبوها واللي باعته علشان أوهام وسراب خداع,

                   قصه من الخيال المتمثل في الواقع ,,         

                           

 

 الجحود

                                           تأليف محمد عنيبسي حسين