قلبي قالي فين بسمتك
تأليف
محمد عنيبسي حسين
قلبي قالي فين بسمتك
قلت ماتت لما ماتت ضحكتك
قلت آه وآهين
حتي الآهه والأضاحيك
ماتت والنكته بقيت ركيك
من إمته البسمة ضاعت
من يوم الصراحه ماماتت
والأدب والكرامة انهارت
والقيم والمباديء ساحت
كما ن ماتت
ماعدشي
في الزمن دا نخوة
والهليهلي
والروشنه صحوة
وعقوق
الوالدين بقيت متأصلة
والكرامه
في زمانا متنيلة
أصل الكرامه دقة قديمه
مالهاش عندنا أي قيمه
المهم الأبيج هو قيمه
والزباله اليوم دا ليها قيمه
بعض من جيل شبابنا
اليوم دا نكته وأي نكته
الواد مايعرفشي ابوه إلا
لمصلحه
وأمه دي خدامه
توفر وتطبخ وتغسل
يعترف بيها يراعيها؟؟
لأ لأ
لأ
أصل جيل عاش في بيئه منتنه
فين
الأسره والطبليه العجب
واللمه
حلوه دايما بالأدب
اتربينا إن الإحترام وجب
للكبيروالصغيربدون
سبب
استاذنا
وقائدنا هما الأساس
بيعلمونا
الحياة دايما بالأساس
من
زمان الكلام كان له أساس
اليوم
دا الكلام من غير أساس
المدرس
داعندي خدام بالأساس
أشتريه
بفلوسي وأحط أنا الأساس
يالاهوي؟؟؟
الهرم اتقلب بقي القمم تحت
واللي فوق زبالة الناس
الأسد بقي تحت والقرد
فوق هو والنسناس
الأسد بيتعاجب بهيبته 
والقرد والنسناس
بيتعاجب بخلفيته الحمره
رحت
اجيب لحمه
لقيت
الدنيا زحمه
لحمه
فله كمان وحمره
والناس
كتيرلحمه حلوه
رخيصه حلوه
الجزاريصيح
كلو دي رخصه
وقفت
يمكن اطول حته
حتي شبه شغته
شويتين بوكس مليان عساكر
والشاويش جاي ثاير
والضابط كمان غضبان وثاير
قبضوا عالجزار أصلها لحمة حمائر
سبنا م
اللحمه أجيب للعيال بطيخ
فرحت
بطيخه حمرا أحلي بتييخ
روحت
لولادي فرحان جايبلهم بطيخ
جالنا
إسهال طاخ طيخ
أتاري
صاحبها حاقنها تفته
حمرا
تلون البطيخ
تعيشوا
ياولاد البلد
خليتوا
حياتنا كلها بتيييييخ
عنب ياعنب فيومي ياعنب
رحت اجيب لأولادي عنب
مافيش أحلا من العنب
جبت اتنين كيلواغالي ياعنب
عشره جنيه الكيلوا غالي ياعنب
دا بقي أغلي من الدهب
مش مهم الفلوس ياعنب
لكن تجيب لأولادي إسهال وجب
أشكيك لمين ياللي غليت العنب
غليه بس حرام العنب
تخليه للمرض سبب
قلت اجيب سمك
اهو السمك نضيف وسمك
صاحبي قاللي ماتجيب سمك
ارحم ولادك من السمك
رموا في النيل مواد سممت اسمك
قلت بلاها سمك خلينا في سوسو
لالقيت سوسو ولا حتي ابوسو
قلي ياقلبي اعمل ايه
وتقلي ابعد عن همي وليه
طب مانت ياقلبي حبيت
وأخدت علي دماغك وسكت
ولسه برضه ياقلبي تحب
مانت عارف إنه مش ليك
غاوي نكد وتنكد وآخرها تهب
افرضنا ياقلبي حبك واتحبيت
تديله إيه يالحسره عليك اتجنيت
كفايه ياقلبي انك اتجنيت
اتجنيت
كفايه الحاله بقيت زيت قطران
وفلوس اخرتها مافيش
وغلاوتك
بكره ماهتلاقي البقشيش
وتعيش وتعيش علي كنا وكان
فبلاش تهبيش
نسأل رب الرحمه
يرحمنا ويلطف بينا
هو الراحم صاحب الرزق
وصاحب الرحمه
قلبي قالي فين بسمتك
تأليف
محمد عنيبسي حسين
ليست هناك تعليقات:
إرسال تعليق