قالتلي
زعلان من إيه
تأليف
محمد
عنيبسي حسين
قالتلي زعلان من إيه ياخلي
سيبك من الهم وابتسم
الدنيا مالهاش تفكر
الكون بإيد الله ربي وربك
واللي رايده يكون
يبقي بلاش تفكر
وارمي همومك علي الله وابتسم
دانت الوحيد اللي شايل همك وهمي
يبقي افتكرني
ياحبيبتي
كل شيء في الكون يهون
واللي ربي رايده
غصب عني هو اللي بيكون
بس انا إنسان
ليا مشاعر كما كل البشر
حاسس بغصه ماليا حلقي والبصر
شايف أخويا مش قادر يعيش
عنده أولاده بيشحت رغيف العيش
وغيره بياكل كباب وكفته وشيش
وانا اللي لواحدي
مش قادر من الغلب أعيش
من الفكر يهدم حياتي
مديني بالشواكيش
شايف الغلابة حرافيش
مالهومشي الا الجزمه والشواكيش
وان نطقنا وقلنا نعيش
لقمه تدولنا لو حتي رغيف العيش
لاجل نعرف نعيش
ونخدمكم اسيادنا
هس ياكلاب
انتوا بتبيعوا طرب وحشيش
لأ لأ ياسيدنا
داحنا غلابة مالناش
لا نتكلم ولا نصيح
كان زمان فلاحنا فلاح فصيح
وقف قدام الباشا الكبير
وقالوا كلام غالي وفصيح
الباشا الكبير كان عنده نخوه
من زمان زمن الرجوله
ونصرة الحق الفسيح
إداله حقه بالعربي الفصيح
ونصره علي اللي ظلمه
ورد عليه الباشا بكلام فصيح
لكن احنا بعدنا بالقيم
ودفناها بالزفت الكئيب
سيبنا الأصاله والقيم
واتعلقنا بالشراشيب
لاجل مانشوفش القلم
يكتب علي قفانا العجب
واحنا الغلابه مالناش علم
ولا تعليم يسيء الأدب
يبقي غصب عني أتألم
وأبكي بكي مليان ألم
علي حال أخويا اللي اتظلم
وبقينا في عدم العدم
باقول يارب انت اللي ترحم
وتشيل الألم
مالناش ياربي غير بابك
بندعيك ياربي
ترحمنا واخويا من عذاب الألم
لما اشوف البنت تجرح أمها
وتعمل راسها براس امها
والواد بيشرب سيجاره
قدام ابوه وأبوه يولعله
كتير ياحبي من زمان القيم
ماتت وماعدشي فيه إلا الندم
عرفتي ياحبي
ليه انا شايل الم
والضحكة ماتت بالعدم
مابقاش إبتسامه إلا ألم الألم
وحبك كمان علمني معني الألم
هو سبب تعذيبي
وفكري اللي انظلم
قالتلي
زعلان من إيه
تأليف
محمد
عنيبسي حسين
ليست هناك تعليقات:
إرسال تعليق